SANTA CRISTINA Á FALA

O alumnado de 1º da ESO converteuse en protagonista dun novo podcast no que nos achegan as principais conmemoracións do mes de maio. A través das súas voces, descubriremos datas sinaladas, celebracións e acontecementos importantes que nos invitan a reflexionar e aprender. Un traballo feito con ilusión, creatividade e moito esforzo que agora compartimos con toda a comunidade educativa. Agardamos que vos guste escoitalo tanto como a eles preparalo!  https://go.ivoox.com/rf/174105006

O alumnado de 3º de Educación Primaria sorprendeunos cunha proposta moi especial no noso canal de podcast: a realización dunha obra de teatro en rigoroso directo . Cun gran traballo de preparación, interpretación e coordinación, os nenos e nenas converteron os micrófonos nun auténtico escenario sonoro. Ao longo do podcast, deron vida aos personaxes, puxeron emoción ás escenas e demostraron a súa creatividade e expresión oral, facendo gozar a todas as persoas que o escoiten. Parabéns ao alumnado de 3º EP polo seu esforzo e entusiasmo. Con iniciativas coma esta, seguimos aprendendo, creando e compartindo experiencias únicas. Non perdades a oportunidade de escoitalos no noso canal de podcast! https://go.ivoox.com/rf/174159967

  As Letras Galegas 2026: homenaxe a Begoña Caamaño O ano que acaba de alborexar trae consigo unha nova celebración das Letras Galegas, dedicada nesta ocasión á escritora, xornalista e activista Begoña Caamaño , unha figura fundamental da cultura galega contemporánea. Coa súa obra e o seu compromiso coa lingua e coa igualdade, Begoña deixou unha pegada fonda na literatura e na sociedade galega. Dende o noso centro quixemos sumarnos a esta homenaxe dun xeito moi especial. O alumnado de 5º de Educación Primaria preparou un podcast no que descubrirán a súa vida, a súa traxectoria e algunhas das achegas máis importantes da autora. Un traballo realizado con moita ilusión, creatividade e ganas de seguir aprendendo sobre as nosas letras e a nosa cultura. Con este proxecto, ademais de coñecer mellor a figura de Begoña Caamaño, o alumnado achegouse ao mundo da comunicación e do podcast, converténdose por uns días en auténticos xornalistas e locutores. Agardamos que desfrutedes tanto esco...

 O alumnado de 3º educación primaria está traballar o vocabulario técnico meteorolóxico, e as súas correspondentes variacións, e xurdiu un día de chuvia no colexio, que aproveitamos para aprender algo novo sobre a chuvia.... Non todas as chuvias son iguais.... nin se chaman igual en todo o mundo. Escoitade o podcast que non ten desperdicio¡¡¡¡¡ https://go.ivoox.com/rf/173327846

 O alumnado de 6º Educación Infantil prepárase para o día da nai, e que menos que preparar algo moi especial. Nesta ocasión ademáis dos agasallos que sabemos que sempre preparan con tanto agarimo, tamén prepararon un pequeno podcast que esperamos que sexa do voso agrado.  Son uns verdadeiros artistas e ademáis temos futuras voces radiofónicas¡¡¡ https://go.ivoox.com/rf/172802136

O alumnado de 2º da ESO súmase de novo a nosa canle de podcast cun novo episodio de P de Podcast , nesta ocasión cun episodio dedicado á conmemoración do Día da Ciencia e a Tecnoloxía. Neste podcast, o alumnado reflexiona sobre a importancia da ciencia e da tecnoloxía na nosa vida diaria, explicando como están presentes en moitos dos avances que melloran o noso día a día, dende a comunicación ata a medicina ou o transporte. Ao longo do episodio, tamén destacan o papel fundamental da investigación e da curiosidade científica, animando a observar, facer preguntas e buscar respostas para comprender mellor o mundo que nos rodea. Ademais, comparten algunhas das actividades e proxectos que están a desenvolver no centro relacionados coa ciencia e a tecnoloxía, demostrando como a aprendizaxe pode ser práctica, creativa e moi motivadora. O alumnado de 2º da ESO realizou un gran traballo de síntese e divulgación, achegando contidos interesantes dunha maneira clara e amena para toda a comunid...