SANTA CRISTINA Á FALA

 Hai momentos que se viven unha vez, pero que se lembran para sempre. A graduación do noso alumnado de 6.º de Educación Infantil é un deles: unha mestura de emoción, recordos, risas e a ilusión de comezar unha nova etapa. Por iso, quixemos gardar este momento tan especial dunha maneira diferente. Neste podcast atoparedes as voces, os sentimentos e os recordos de quen foron protagonistas deste fermoso camiño. Porque algunhas historias merecen ser contadas… e escoitadas.  Dádelle ao play e acompañádenos nesta graduación tan especial! https://go.ivoox.com/rf/174477419

O alumnado de 1º da ESO converteuse en protagonista dun novo podcast no que nos achegan as principais conmemoracións do mes de maio. A través das súas voces, descubriremos datas sinaladas, celebracións e acontecementos importantes que nos invitan a reflexionar e aprender. Un traballo feito con ilusión, creatividade e moito esforzo que agora compartimos con toda a comunidade educativa. Agardamos que vos guste escoitalo tanto como a eles preparalo!  https://go.ivoox.com/rf/174105006

O alumnado de 3º de Educación Primaria sorprendeunos cunha proposta moi especial no noso canal de podcast: a realización dunha obra de teatro en rigoroso directo . Cun gran traballo de preparación, interpretación e coordinación, os nenos e nenas converteron os micrófonos nun auténtico escenario sonoro. Ao longo do podcast, deron vida aos personaxes, puxeron emoción ás escenas e demostraron a súa creatividade e expresión oral, facendo gozar a todas as persoas que o escoiten. Parabéns ao alumnado de 3º EP polo seu esforzo e entusiasmo. Con iniciativas coma esta, seguimos aprendendo, creando e compartindo experiencias únicas. Non perdades a oportunidade de escoitalos no noso canal de podcast! https://go.ivoox.com/rf/174159967

  As Letras Galegas 2026: homenaxe a Begoña Caamaño O ano que acaba de alborexar trae consigo unha nova celebración das Letras Galegas, dedicada nesta ocasión á escritora, xornalista e activista Begoña Caamaño , unha figura fundamental da cultura galega contemporánea. Coa súa obra e o seu compromiso coa lingua e coa igualdade, Begoña deixou unha pegada fonda na literatura e na sociedade galega. Dende o noso centro quixemos sumarnos a esta homenaxe dun xeito moi especial. O alumnado de 5º de Educación Primaria preparou un podcast no que descubrirán a súa vida, a súa traxectoria e algunhas das achegas máis importantes da autora. Un traballo realizado con moita ilusión, creatividade e ganas de seguir aprendendo sobre as nosas letras e a nosa cultura. Con este proxecto, ademais de coñecer mellor a figura de Begoña Caamaño, o alumnado achegouse ao mundo da comunicación e do podcast, converténdose por uns días en auténticos xornalistas e locutores. Agardamos que desfrutedes tanto esco...

 O alumnado de 3º educación primaria está traballar o vocabulario técnico meteorolóxico, e as súas correspondentes variacións, e xurdiu un día de chuvia no colexio, que aproveitamos para aprender algo novo sobre a chuvia.... Non todas as chuvias son iguais.... nin se chaman igual en todo o mundo. Escoitade o podcast que non ten desperdicio¡¡¡¡¡ https://go.ivoox.com/rf/173327846